News

atchannaidu, సీఎం జగన్ అరాచక రాజకీయాలు కట్టిపెట్టాలి: అచ్చెన్నాయుడు – ap tdp president atchannaidu fires on cm ys jagan mohan reddy


ముఖ్యమంత్రి వైఎస్‌ జగన్మోహన్ రెడ్డి అరాచక రాజకీయాలను కట్టిపెట్టాలని తెలుగు దేశం పార్టీ రాష్ట్ర అధ్యక్షుడు అచ్చెన్నాయుడు అన్నారు. టీడీపీ జాతీయ అధ్యక్షుడు చంద్రబాబునాయుడు కుప్పం పర్యటనలో చోటు చేసుకున్న పరిస్థితులపై అచ్చెన్న ఘాటుగా స్పందించారు. ప్రతిపక్ష నేత చంద్రబాబునాయుడు కాన్వాయ్‌పై దాడి ముమ్మాటికీ ప్రజాస్వామ్యంపై దాడే అన్నారు.

చంద్రబాబు పర్యటన సందర్భంగా రామకుప్పం మండలం కొల్లుపల్లిలో వైసీపీ నేతలు.. టీడీపీ కార్యకర్తలపై దాడి చేసి గాయపరచడం హేయమైన చర్య అని అచ్చెన్నాయుడు మండిపడ్డారు. ఈ ఘటనకు ముఖ్యంత్రి జగన్మోహన్ రెడ్డి, జిల్లా మంత్రి పెద్దిరెడ్డి రామచంద్రారెడ్డి బాధ్యత వహించాలని డిమాండ్‌ చేశారు.. ఇకనైనా సీఎం జగన్ ఇలాంటి అరాచక రాజకీయాలను కట్టిపెట్టాలని హితవు పలికారు.

రేపనేది ఒకటి ఉంటుందన్న విషయాన్ని సీఎం జగన్‌ దృష్టిలో పెట్టుకోవాలని అచ్చెన్నాయుడు హెచ్చరించారు. వైసీపీ ప్రతిపక్షంలో ఉన్నపుడు కూడా నాటి తెలుగుదేశం ప్రభుత్వం ఇలాగే వ్యవహరిస్తే మీరు పాదయాత్ర చేయగలిగేవారా అని ప్రశ్నించారు. కనీసం ఇంటి నుంచి బయటకు రాగలిగేవారా? అని నిలదీశారు. సీఎం జగన్ నేతృత్వంలో వైసీపీ నేతలు పాల్పడుతున్న దుశ్చర్యలకు భవిష్యత్తులో మూల్యం చెల్లించుకోక తప్పదని అచ్చెన్నాయుడు సీరియస్ వార్నింగ్‌ ఇచ్చారు.

Related Articles

Back to top button