News

Asia Cup Schedule విడుదల.. IND vs PAK మ్యాచ్ ఎప్పుడంటే? – asia cup 2022 schedule, match list, date, host, venues


India vs Pakistan Match‌ కి దుబాయ్ ఆతిథ్యం ఇవ్వబోతోంది. ఆసియా కప్ ఆరంభంలోనే దాయాదుల మధ్య పోరు జరగనుంది. ఈ మేరకు షెడ్యూల్‌ని ఆసియా క్రికెట్ కౌన్సిల్ ప్రకటించింది.

 

India vs Pakistan Match Date (Pic Source: Twitter)

ప్రధానాంశాలు:

  • ఆసియా కప్ షెడ్యూల్ విడుదల
  • భారత్, పాకిస్థాన్ మధ్య మ్యాచ్ ఆగస్టు 28న
  • టోర్నీలో పోటీపడబోతున్న ఆరు జట్లు
  • ఆసియా కప్‌లో భారత్‌కి తిరుగులేని రికార్డులు
IND vs PAK Match Date In Asia Cup: యూఏఈ వేదికగా ఆగస్టు 27 నుంచి ప్రారంభంకానున్న ఆసియా కప్ షెడ్యూల్‌ (Asia Cup Schedule) విడుదలైంది. మొత్తం ఆరు జట్లు పోటీపడనున్న ఈ టోర్నీ‌కి భారత్, పాకిస్థాన్, శ్రీలంక, అఫ్గానిస్థాన్, బంగ్లాదేశ్‌ అర్హత సాధించగా.. క్వాలిఫయర్స్ మ్యాచ్‌లు ఆడటం ద్వారా హాంకాంగ్, సింగపూర్, కువైట్, యూఏఈ జట్లలో ఒక టీమ్‌ ప్రధాన టోర్నీలోకి రాబోతోంది. ఆగస్టు 27 నుంచి సెప్టెంబరు 2 వరకూ గ్రూప్ దశ మ్యాచ్‌లు జరగనుండగా.. ఆ తర్వాత సెప్టెంబరు 3 నుంచి 9 వరకూ సూపర్-4 మ్యాచ్‌లు జరగనున్నాయి. అనంతరం సెప్టెంబరు 11న దుబాయ్ వేదికగా ఫైనల్ జరగనుంది. ఈ టోర్నీలో భారత్, పాకిస్థాన్ (IND vs PAK) జట్లు ఆగస్టు 28 (ఆదివారం) దుబాయ్ వేదికగా తలపడనున్నాయి.

ఆసియా కప్‌లో ఇది 15వ ఎడిషన్‌కాగా.. ఇప్పటికే ముగిసిన 14 ఎడిషన్స్‌లో టీమిండియా ఏకంగా 7 సార్లు విజేతగా నిలిచింది. ఆ తర్వాత శ్రీలంక ఐదు సార్లు, పాకిస్థాన్ రెండు సార్లు టైటిల్ గెలిచింది. నిజానికి ప్రతి రెండేళ్లకి ఒకసారి ఆసియా కప్‌ని ఆసియా క్రికెట్ కౌన్సిల్ (ఏసీసీ) నిర్వహిస్తుంటుంది. కానీ.. కరోనా వైరస్ వ్యాప్తి కారణంగా.. 2020లో జరగాల్సిన టోర్నీని తొలుత 2021, జూన్‌కి వాయిదా వేశారు. కానీ.. టోర్నీ ఆరంభ సమయానికి వైరస్ పూర్తిగా అదుపులోకి రాకపోవడంతో.. అప్పట్లో టోర్నీని రద్దు చేశారు. దాంతో.. 2018 తర్వాత మళ్లీ 2022లో ఆసియా కప్ జరగబోతోంది. ఈ ఏడాది ఆస్ట్రేలియా వేదికగా అక్టోబరు- నవంబరులో టీ20 వరల్డ్‌కప్ జరగనుండటంతో.. ఆగస్టులో ప్రారంభమయ్యే ఆసియా కప్‌ని కూడా టీ20 ఫార్మాట్‌లో నిర్వహించాలని ఏసీసీ నిర్ణయించింది.

వాస్తవానికి ఈ ఏడాది ఆసియా కప్‌కి శ్రీలంక ఆతిథ్యం ఇవ్వాల్సింది. కానీ.. ఆ దేశంలో నెలకొన్న ఆర్థిక, రాజకీయ సంక్షోభం కారణంగా ఆసియా కప్‌ని ఏసీసీ యూఏఈకి తరలించింది.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title : Telugu News from Samayam Telugu, TIL Network

Related Articles

Back to top button