News

Asia Cup 2023,Ind Pak Match: భారత్ పాక్ మ్యాచ్‌లపై కేంద్రమంత్రి సంచలన వ్యాఖ్యలు.. అప్పటివరకు ఉండవని స్పష్టం – no indo pak bilateral cricket matches until cross border terror ends says anurag thakur


Ind Pak Match: క్రీడల్లో భారత్, పాక్ జట్లు తలపడుతున్నాయంటేనే ప్రపంచం మొత్తం ఎంతో ఆసక్తితో చూస్తుంది. ఇక క్రికెట్ గురించి అయితే చెప్పాల్సిన పనిలేదు. భారత్, పాక్ అభిమానులు టీవీలకు అతుక్కుపోయి ఉంటే.. ప్రపంచ క్రికెట్ ఫ్యాన్స్ కూడా ఎంతో ఎంజాయ్ చేస్తూ ఉంటారు. ఇక ఈ చిరకాల ప్రత్యర్థులు తలపడే మ్యాచ్‌లకు టికెట్లు నిమిషాల వ్యవధిలోనే హాట్ కేకుల్లా అమ్ముడుపోతాయి. ప్రపంచవ్యాప్తంగా ఇండియా, పాక్ మ్యాచ్ అంటే ఆ రేంజ్‌లో ఉంటుంది. అయితే గత కొన్ని సంవత్సరాలుగా భారత్, పాక్ మధ్య ద్వైపాక్షిక సిరీస్‌లు జరగడం లేదు. ఈ క్రమంలోనే తాజాగా కేంద్ర క్రీడల శాఖ మంత్రి అనురాగ్ ఠాకూర్.. భారత్, పాక్ ద్వైపాక్షిక సిరీస్‌ల నిర్వహణపై కీలక వ్యాఖ్యలు చేశారు.

పాకిస్థాన్ ఉగ్రవాదానికి మద్దతు తెలపడం, భారత్‌లోకి ఉగ్రవాదులను అక్రమంగా పంపించడం వల్ల ఆ దేశం పట్ల భారత్ ఎప్పుడూ కఠినంగానే ఉంటోంది. ఈ క్రమంలోనే ఉగ్రవాదాన్ని అరికట్టకపోతే పాకిస్థాన్‌తో ఎట్టి పరిస్థితుల్లో భారత్ ద్వైపాక్షిక సిరీస్‌లు ఆడదని అనురాగ్ ఠాకూర్ స్పష్టం చేశారు. ఉగ్రవాదాన్ని నిర్మూలించేవరకు భారత్, పాక్ సిరీస్ జరగదని ఆయన శుక్రవారం వెల్లడించారు. భారత్, పాక్ సరిహద్దుల్లో ఉగ్రవాదం, చొరబాట్లు, ఉగ్ర దాడులు ఆపితే తప్ప ఇరు దేశాల మధ్య క్రికెట్ సాధ్యపడదని రాజస్థాన్‌లోని ఉదయ్‌పూర్ పర్యటనలో ఉన్న అనురాగ్ ఠాకూర్ తేల్చి చెప్పారు.

తాజాగా జమ్మ కశ్మీర్‌ అనంత్‌నాగ్ జిల్లాలో జరిగిన ఎన్‌కౌంటర్‌లో నలుగురు అధికారులు మరణించిన నేపథ్యంలో అనురాగ్ ఠాకూర్ ఈ వ్యాఖ్యలు చేశారు. పాకిస్థాన్‌తో పూర్తిగా క్రికెట్ సంబంధాలను తెగ్గొట్టుకోవాలని డిమాండ్లు పెరుగుతున్న వేళ ఆయన స్పందించారు. నలుగురు ధైర్యవంతులైన అధికారులను కోల్పోవడం దుర‌‌దృష్టమన్న అనురాగ్ ఠాకూర్.. ఉగ్రవాదంపై మోదీ సర్కార్ తీవ్ర చర్యలు తీసుకుంటుందని తెలిపారు. ఉగ్రవాద ఘటనలు తగ్గాయని.. తాజా ఘటనకు ఉగ్రవాదులకు గట్టి కౌంటర్ ఇస్తామని స్పష్టం చేశారు.

ఇక భారత్, పాక్ చివరిసారిగా 2012 -2013 లో ద్వైపాక్షిక సిరీస్ ఆడాయి. ఆ తర్వాత కేవలం ఆసియా కప్, వరల్డ్ కప్‌లలోనే తలపడ్డాయి. ఇక చివరిసారిగా భారత క్రికెటర్లు.. 2006 లో పాకిస్థాన్‌లో పర్యటించి క్రికెట్ ఆడారు. అయితే తాజాగా జరుగుతున్న ఆసియా కప్‌కు ఈసారి పాకిస్తాన్ ఆతిథ్యం ఇవ్వాల్సి ఉండగా.. పాక్‌లో భారత ఆటగాళ్లు పర్యటించేది లేదని కేంద్ర ప్రభుత్వం స్పష్టం చేసింది. ఈ నేపథ్యంలో ఈసారి ఆసియాకప్‌ను హైబ్రీడ్ మోడ్‌లో నిర్వహిస్తున్నారు. ఈ ఆసియా కప్‌లో భారత్ ఆడిన అన్ని మ్యాచ్‌లను శ్రీలంకలో ఆడగా.. మిగిలిన మ్యాచ్‌లు పాకిస్తాన్‌లో జరిగాయి.

Rajnath Singh: శివరాజ్‌సింగ్‌ చౌహాన్‌ను ధోనీతో పోల్చిన రాజ్‌నాథ్ సింగ్.. ఏ విషయంలో అంటే?
Pakistan: భారత్‌పై చైనా, పాక్ కుట్ర.. పీవోకేలోని ఉగ్రవాదులకు చైనీస్ ఆయుధాలు
Read More Latest National News And Telugu News

Related Articles

Back to top button