ap high court notification, ఉద్యోగాల భర్తీకి ఏపీ హైకోర్టు నోటిఫికేషన్‌.. నెలకు రూ.1,36,520 జీతం.. వివరాలివే! – andhra pradesh high court issued notification for civil judge posts

ఆంధ్రప్రదేశ్ న్యాయ శాఖలో ఖాళీగా ఉన్న పలు ఉద్యోగాల భర్తీకి రాష్ట్ర హైకోర్టు నోటిఫికేషన్‌ విడుదల చేసింది. అమరావతిలోని రాష్ట్ర ఉన్నత న్యాయస్థానం మొత్తం 30 సివిల్‌ జడ్జి (జూనియర్‌ డివిజన్‌) పోస్టుల భర్తీకి దరఖాస్తులు ఆహ్వానిస్తోంది. అర్హులైన అభ్యర్థులు ఈ నెల 17వ తేదీ నుంచి ఏప్రిల్‌ 6వ తేదీ వరకు ఆన్‌లైన్‌లో దరఖాస్తులు చేసుకోవచ్చని హైకోర్టు రిజిస్ట్రార్‌ (రిక్రూట్‌మెంట్‌) ఓ ప్రకటనలో తెలిపారు. ఈ ఉద్యోగాల్లో డైరెక్ట్ రిక్రూట్మెంట్ ప్రాతిపదికన 24 ఖాళీలు, బదిలీల ద్వారా మరో 6 ఖాళీల్ని భర్తీ చేయనున్నట్లు వెల్లడించారు.

నోటిఫికేషన్‌లోని ముఖ్యాంశాలు..

మొత్తం పోస్టుల సంఖ్య: 30
అర్హత: న్యాయశాస్త్రంలో బ్యాచిలర్స్ డిగ్రీ తప్పనిసరి
వయోపరిమితి: 01- 03- 2023 నాటికి 35 ఏళ్లు మించరాదు.
వేతనం: రూ.77,840 నుంచి రూ.1,36,520
ఎంపిక ప్రక్రియ: స్క్రీనింగ్ టెస్ట్ (కంప్యూటర్ ఆధారిత స్క్రీనింగ్‌ టెస్ట్), రాత పరీక్ష, మౌఖిక పరీక్ష, ధ్రువపత్రాల పరిశీలన. స్క్రీనింగ్‌పరీక్ష ఫలితాలు వెల్లడించిన తర్వాత రాత పరీక్షనిర్వహిస్తారు.

అప్లికేషన్‌ ఫీజు:

ఓపెన్‌ కేటగిరీ/ ఈడబ్ల్యూఎస్‌/ బీసీ కేటగిరీకి చెందిన అభ్యర్థులకు రూ.1,500
ఎస్సీ/ ఎస్టీ/ దివ్యాంగ అభ్యర్థులకు రూ.750
స్క్రీనింగ్‌ టెస్ట్‌ సెంటర్లు:
గుంటూరు, కర్నూలు, రాజమహేంద్రవరం, తిరుపతి, విజయవాడ, విశాఖపట్నం. అభ్యర్థులు ఏవైనా మూడు కేంద్రాలను ప్రాధాన్యతల వారీగా ఆప్షన్‌ పెట్టుకోవచ్చు.

ఈ అంశాలు గుర్తు పెట్టుకోవాలి..
ఆన్‌లైన్‌ దరఖాస్తులు: మార్చి 17 నుంచి ప్రారంభం
దరఖాస్తులకు తుది గడువు: ఏప్రిల్‌ 6
స్క్రీనింగ్ టెస్ట్‌ హాల్‌ టిక్కెట్ల డౌన్‌లోడ్‌: ఏప్రిల్‌ 15
కంప్యూటర్‌ ఆధారిత స్క్రీనింగ్‌ టెస్ట్‌: ఏప్రిల్‌ 24 (ఉదయం 8.30 గంటల నుంచి ఉదయం 10.30 గంటల వరకు)
ప్రిలిమినరీ కీ/అభ్యంతరాల స్వీకరణ: ఏప్రిల్‌ 27

పూర్తి నోటిఫికేషన్‌ కోసం ఈ లింక్ క్లిక్‌ చేయండి..