News

ap group 1 prelims, ఏపీలో ప్రశాంతంగా గ్రూప్-1 ప్రిలిమ్స్: మొబైల్‌ చూస్తూ పరీక్ష రాసిన ఓ అభ్యర్థి! – ap group 1 prelims exam completed and one person caught due to copying


రాష్ట్రవ్యాప్తంగా ఖాళీగా ఉన్న 92 పోస్టుల భర్తీ కోసం ఆంధ్రప్రదేశ్ పబ్లిక్ సర్వీస్ కమిషన్ (ఏపీపీఎస్సీ) నిర్వహించిన గ్రూప్‌-1 ప్రాథమిక పరీక్ష (ప్రిలిమ్స్) ప్రశాంతంగా ముగిసింది. 18 జిల్లాల్లో 297 పరీక్షా కేంద్రాలను ఏపీపీఎస్సీ ఏర్పాటు చేసింది. ఉదయం 10 గంటల నుంచి 12 గంటల వరకు పేపర్‌-1, మధ్యాహ్నం 2 గంటల నుంచి 4 గంటల వరకు పేపర్‌-2 పరీక్ష నిర్వహించారు.

అయితే, విజయవాడ బెంజిసర్కిల్‌లోని నారాయణ కళాశాలలో ఏర్పాటు చేసిన పరీక్షా కేంద్రంలో ఓ యువకుడు కాపీయింగ్‌ పాల్పడుతుండటం వెలుగు చూసింది. ఆదివారం ఉదయం నిర్వహించిన ప్రిలిమ్స్‌ పరీక్షకు పోరంకి సచివాలయంలో పనిచేస్తున్న కొల్లూరు వెంకటేష్ అనే అభ్యర్థి ఏకంగా మొబైల్‌ తీసుకొచ్చాడు. మొబైల్‌లో గూగుల్‌ ఓపెన్‌ చేసి జవాబులు చూసి రాస్తుండగా అధికారులు గుర్తించారు. వెంటనే అతడిని అదుపులోకి తీసుకున్న పోలీసులు ఘటనపై దర్యాప్తు చేస్తున్నారు.

అయితే, ఈ సారి గ్రూప్-1 పరీక్ష పేపర్‌పై అభ్యర్థుల నుంచి మిశ్రమ స్పందన వ్యక్తమైంది. పలు ప్రశ్నలు ఎక్కువ నిడివితో ఇచ్చారని, చదవి అర్థం చేసుకునేందుకే ఎక్కువ సమయం పట్టిందని అభ్యర్థులు తెలిపారు. ప్రశ్నకు సమాధానం ఇచ్చేందుకు తక్కువ సమయమే మిగిలిందని తెలిపారు. కొందరు అభ్యర్థులు మాత్రం.. ఉద్యోగార్థుల సత్తా పరీక్షించేందుకే ఎక్కువ నిడివిగల ప్రశ్నలు ఇచ్చారని అభిప్రాయపడ్డారు. గ్రూప్‌-1 ఉద్యోగాలకు రాష్ట్రవ్యాప్తంగా మొత్తం 1,26,449 మంది అభ్యర్థులు దరఖాస్తు చేసుకున్నారు.

Related Articles

Back to top button