Entertainment

Liger: మరో రొమాంటిక్ సాంగ్ రెడీ.. ప్రోమో రిలీజ్ చేసిన ”లైగర్” టీమ్


క్రేజీ హీరో విజయ్ దేవరకొండ నటిస్తున్న లేటెస్ట్ మూవీ లైగర్. డైనమిక్ డైరెక్టర్ పూరీజగనాథ్ తెరకెక్కిస్తోన్న ఈ సినిమా ప్రమోషన్ జెట్ స్పీడ్ తో జరుగుతున్నాయి.

క్రేజీ హీరో విజయ్ దేవరకొండ నటిస్తున్న లేటెస్ట్ మూవీ లైగర్(Liger). డైనమిక్ డైరెక్టర్ పూరీజగనాథ్ తెరకెక్కిస్తోన్న ఈ సినిమా ప్రమోషన్స్ జెట్ స్పీడ్ తో జరుగుతున్నాయి. ఈ సినిమాతో విజయ్ బాలీవుడ్ కు అనన్య పాండే టాలీవుడ్ కు ఒకేసారి పరిచయం అవుతున్నారు. ఇప్పటికే విడుదలైన ఈ సినిమా పాటలు, పోస్టర్లు, టీజర్, ట్రైలర్ సినిమా పై అంచనాలను భారీగా పెంచేశాయి. ఇక ఈ మూవీ నుంచి ఇప్పటివరకు రెండు పాటలు విడుదలయ్యాయి. ఈ రెండు యూట్యూబ్ ను ఒక ఊపు ఊపేస్తున్నాయి. అక్కడి పక్కడి సాంగ్, వాట్ లగా దేంగే సాంగ్స్ యూట్యూబ్ లో మిలియన్ వ్యూస్ దక్కించుకుంటూ ట్రెండింగ్ లో కంటిన్యూ అవుతున్నాయి. ఇక ఇప్పుడు ఈ సినిమా నుంచి మూడో సాంగ్ ను రిలీజ్ చేయనున్నారు.

లైగర్ సినిమా నుంచి మరో రొమాంటిక్ సాంగ్ రానుందని తెలుపుతూ ఓ ప్రోమోను రిలీజ్ చేశారు. ఈ ప్రోమోలో అనన్య.. విజయ్ ఇంటికి వచ్చి అతడి అమ్మకు కనిపించకుండా అతడితో రొమాన్స్ చేస్తున్నట్టు చూపించారు. ఈ ప్రోమో చూస్తుంటే ఈ సాంగ్ ఫుల్ రొమాంటిక్ గా ఉండనుందని తెలుస్తోంది. ఇక ఈ సినిమాను ఆగస్టు 25న ప్రపంచవ్యాప్తంగా విడుదల చేయనున్నారు. ఈ సినిమాలో లెజెండ్రీ బాక్సర్ మైక్ టైసన్ కీలక పాత్రలో నటిస్తున్నారు. అలాగే సీనియర్ హీరోయిన్ రమ్యకృష్ణ మరో ముఖ్యమైన పాత్రలో కనిపించనున్నారు. ఈ సినిమాలో రమ్యకృష్ణ రోల్ చాలా పవర్ ఫుల్ గా డిజైన్ చేశారట పూరి. ఈ సినిమాతో విజయ్, పూరి బ్లాక్ బస్టర్ హిట్ కొట్టడం ఖాయం అంటున్నారు చిత్రయూనిట్.

Advertisement

ఇవి కూడా చదవండి



మరిన్ని సినిమా వార్తలకోసం ఇక్కడ క్లిక్ చేయండి 

లేటెస్ట్ న్యూస్ హైలెట్స్ చూడండి



Related Articles

Back to top button