News

andhra heavy rains, Ap Heavy Rains: ఏపీకి భారీ వర్ష సూచన.. ఈ రెండు జిల్లాలకు రెడ్ అలర్ట్, 3 గంటల పాటూ కుండపోతే! – imd alerts moderate to heavy rains in these districts at andhra pradesh


Andhra Rains: ఆంధ్రప్రదేశ్‌లో మరోసారి వర్షాలు దంచికొడుతున్నాయి. బంగాళాఖాతంలో శ్రీలంక తీరప్రాంతం మీదుగా కొనసాగుతున్న ఉపరితల ఆవర్తనం, ఈశాన్య రుతు పవనాల ప్రభావంతో ఈ వర్షాలు కురుస్తాయని వాతావరణశాఖ అంచనా వేస్తోంది. రాబోయే రెండ్రోజులూ కోస్తాంధ్ర, రాయలసీమలోని పలు జిల్లాల్లో వర్షాలు కురుస్తాయని వాతావరణ శాఖ తెలిపింది. ఉమ్మడి చిత్తూరు, నెల్లూరు జిల్లాల్లో పలుచోట్ల భారీ వర్షాలు కురుస్తాయని చెబుతున్నారు. ఇప్పటికే రెండు రోజులుగా కోస్తాతో పాటూ రాయలసీమ జిల్లాల్లో వానలు పడుతున్న సంగతి తెలిసిందే.

కోస్తాలోని అల్లూరి సీతారామరాజు, ఏలూరు, నెల్లూరు.. రాయలసీమలోని తిరుపతి, కడప, నంద్యాల, అనంతపురం జిల్లాల్లో బుధవారం వర్షాలు కురుస్తాయంటున్నారు. అలాగే పార్వతీపురం మన్యం, అల్లూరి సీతారామరాజు, ఏలూరు, అంబేద్కర్‌ కోనసీమ, ఎన్టీఆర్, పల్నాడు, ప్రకాశం, నెల్లూరు, తిరుపతి, కడప, అనంతపురం, నంద్యాల, కర్నూలు జిల్లాల్లో గురువారం అక్కడక్కడా ఓ మోస్తరు వర్షాలు, మిగిలిన చోట్ల తేలికపాటి జల్లులు పడే అవకాశం ఉందంటున్నారు. మరోవైపు రెండు రోజుల నుంచి వర్షాలు కొనసాగుతుండగా.. మంగళవారం కూడా కుండపోత వానలు కనిపించాయి. నెల్లూరు జిల్లా బోగోలు మండలంలో 13 సెం.మీ… అనంతపురం జిల్లా కనేకల్‌లో 8.8 సెంటీమీటర్ల వర్షం పడింది. తిరుపతి జిల్లా మల్లంలో 7.9, వాకాడులో 5.7 సెంటీమీటర్ల వర్షపాతం నమోదైంది.

మరోవైపు బుధవారం అల్లూరి సీతారామరాజు, ఏలూరు, నెల్లూరు, తిరుపతి, కడప, నంద్యాల,అనంతపురం జిల్లాల్లో అక్కడక్కడ మోస్తారు వర్షాలు, మిగిలిన చోట్ల తేలికపాటి జల్లులు పడే అవకాశం ఉందని ఏపీ విపత్తు నిర్వహణల సంస్థ తెలిపింది. గురువారం పార్వతీపురంమన్యం, అల్లూరి సీతరామరాజు, ఏలూరు, అంబేద్కర్ కోనసీమ, ఎన్టీఆర్, పల్నాడు, ప్రకాశం, నెల్లూరు, తిరుపతి, నంద్యాల, కర్నూలు, కడప, అనంతపురం జిల్లాల్లో అక్కడక్కడ మోస్తారు వర్షాలు, మిగిలిన చోట్ల తేలికపాటి జల్లులు పడే అవకాశం ఉందని అంచనా వేస్తున్నారు.
ఇదిలా ఉంటే నెల్లూరులో అతి భారీ వర్షాలు కురుస్తాయంటున్నారు ఏపీ వెదర్ మ్యాన్. తిరుపతి, శ్రీకాళహస్తిలో కూడా భారీగా వానలు పడతాయని చెప్పారు. తిరుపతి, నెల్లూరులో కుండపోత వానలు ఖాయమని రెడ్ అలర్ట్ ప్రకటించారు. మూడు గంటల పాటూ ఆగకుండా వర్షం పడుతుందని అంచనా వేశారు. ముఖ్యంగా నెల్లూరు, తిరుపతి, చిత్తూరు జిల్లాల పరిధిలో భారీ వర్షాలు కురుస్తాయంటున్నారు. స్థానికుల జాగ్రత్తగా ఉండాలని సూచించారు. ఆ చుట్టుపక్కల ప్రాంతాల్లో కూడా భారీ వర్షాలు పడతాయంటున్నారు. భారీ వర్షాలతో అధికారులు కూడా అప్రమత్తం అయ్యారు.. లోతట్టు ప్రాంతాల వారు జాగ్రత్తగా ఉండాలని సూచిస్తున్నారు.. పరిస్థితిని ఎప్పటికప్పుడు పర్యవేక్షిస్తున్నారు.

Related Articles

Back to top button