News

ambati rambabu, Kuppam Tour కుప్పం అంటే ప్రేమా? భయం పుట్టిందా? బాబుపై మంత్రి అంబటి సెటైర్లు – ap minister ambati rambabu satirical comments on tdp chief chandrababu naidu kuppam tour


టీడీపీ అధినేత (TDP), మాజీ ముఖ్యమంత్రి నారా చంద్ర‌బాబునాయుడు (Chandrababu Naidu) బుధ‌వారం త‌న సొంత నియోజ‌కవ‌ర్గం కుప్పంలో (Kuppam Tour) పర్యటిస్తోన్న విషయం తెలిసిందే. హైద‌రాబాద్ నుంచి బెంగ‌ళూరు‌కు విమానంలో చేరిన చంద్ర‌బాబు (TDP Chief )… అక్క‌డి నుంచి రోడ్డు మార్గం ద్వారా కుప్పం చేరుకున్నారు. బుధ‌వారం మొద‌లైన చంద్ర‌బాబు కుప్పం ప‌ర్య‌ట‌న మూడు రోజుల పాటు కొన‌సాగ‌నుంది.

ఈ నేపథ్యంలో చంద్రబాబు కుప్పం ప‌ర్య‌ట‌న‌పై ఆంధ్రప్రదేశ్ జ‌ల వ‌న‌రుల శాఖ మంత్రి అంబ‌టి రాంబాబు (Ambati Rambabu) సెటైర్లు వేశారు. ట్విట్టర్ వేదికగా చంద్రబాబుపై వ్యంగ్యాస్త్రాలు సంధించారు. ‘‘పదే పదే కుప్పం వెళ్తున్న బాబు గారు, కుప్పం మీద ప్రేమ పుట్టిందా?, కుప్పం అంటే భయం పట్టిందా?’’ అంటూ మంత్రి రాంబాబు వ్యంగ్యంగా ట్వీట్ చేశారు.

మరోవైపు, బెంగళూరు నుంచి రోడ్డు మార్గంలో కుప్పం బయలుదేరిన చంద్రబాబుకు సరిహద్దుల్లో కర్ణాటక అభిమానులు ఘనస్వాగతం పలికారు. వారి కోరిక మేరకు కాంగండ్లపల్లిలో పర్యటించి, మిత్రుడు కర్ణాటక మాజీ ఎమ్మెల్యే దొరస్వామి ఇంటికి వెళ్లారు. కుప్పం నియోజకవర్గ పర్యటనలో భాగంగా మొదటిరోజు రామకుప్పం మండలంలోని కొంగనపల్లె, కొళ్లుపల్లె, చెల్దిగానిపల్లె, రాజుపేట మీదుగా రామకుప్పం పట్టణానికి చేరుకుని బహిరంగసభలో ప్రసంగిస్తారు.

ఇక, బాబు కంచుకోట కుప్పంపై ముఖ్యమంత్రి వైఎస్ జగన్మోహన్ రెడ్డి (YS Jaganmohan Reddy) ప్రత్యేక దృష్టిపెట్టారు. వచ్చే ఎన్నికల్లో ఈ స్థానంలో ఎలాగైనా వైఎస్ఆర్సీపీ (YSRCP )ఖాతాలో వేసుకోవాలని భావిస్తోన్న జగన్.. ఇప్పటి నుంచే వ్యూహాత్మకంగా అడుగులు వేస్తున్నారు. చంద్రబాబు కంచుకోటను మంచుకోటగా మార్చేందుకు చర్యలు చేపట్టారు. వచ్చే ఎన్నికల్లో 175 సీట్లు లక్ష్యంగా పెట్టుకున్న వైసీపీ కుప్పం నుంచే తన వ్యూహాన్ని అమలు చేస్తోంది. దీంతో చంద్రబాబు అప్రమత్తమయ్యారని, అందుకే గతంలో ఎన్నడూ లేనివిధంగా ఆయన కుప్పంలో పర్యటిస్తున్నారని ప్రచారం సాగుతోంది.

Related Articles

Back to top button