News

amaravati employees, హైదరాబాద్ నుంచి అమరావతి వచ్చే ఉద్యోగులకు గుడ్‌న్యూస్.. జగన్ సర్కారు మరోసారి! – ap government extends free accommodation to employees who come from hyderabad


హైదరాబాద్‌లో స్థిరపడ్డ ఆంధ్రప్రదేశ్ ఉద్యోగులకు రాష్ట్ర ప్రభుత్వం గుడ్ న్యూస్ చెప్పింది. హైదరాబాద్‌ నుంచి ఏపీ రాజధాని అమరావతి ప్రాంతానికి వచ్చి పని చేస్తున్న ఉద్యోగుల ఉచిత వసతి సదుపాయాన్ని మరోమారు పొడిగిస్తూ రాష్ట్ర ప్రభుత్వం బుధవారం కీలక ఉత్తర్వులు జారీ చేసింది. ఉద్యోగులకు ఉచిత వసతి సదుపాయాన్ని 2023 జూన్‌ 26 వరకు పొడిగిస్తున్నట్లు సాధారణ పరిపాలన శాఖ ఉత్తర్వులు జారీ చేసింది.

ఏపీ సచివాలయం, శాసనసభ, హెచ్‌ఓడీ కార్యాలయాలు, హైకోర్టు, రాజ్‌భవన్‌ ఉద్యోగులకు మాత్రమే ఈ పొడిగింపు వర్తిస్తుందని రాష్ట్ర ప్రభుత్వం ఉత్తర్వుల్లో పేర్కొంది. అయితే గుంటూరు, విజయవాడ నగరాల్లో బస చేస్తున్న ఉద్యోగులకు ఉచిత వసతి సదుపాయాన్ని 2024 వరకు పొడిగించాలని ఉద్యోగ సంఘాలు కోరుతున్నాయి.

కాగా, ఎన్నో సంవత్సరాలుగా హైదరాబాద్‌లో స్థిరపడ్డ ఉద్యోగులు.. ఆంధ్రప్రదేశ్ పునర్విభజనతో రాష్ట్రానికి ఉన్నఫళంగా రావాల్సిన పరిస్థితి వచ్చింది. సొంత ఇళ్లు, పిల్లల చదువులను మధ్యలో వదిలేసి వచ్చేందుకు ఉద్యోగుల కుటుంబాలు ఇబ్బంది పడ్డారు. దీంతో గత టీడీపీ ప్రభుత్వంలో హైదరాబాద్ నుంచి అమరావతికి వచ్చే ఉద్యోగుల కోసం ప్రత్యేక రైలును ఏర్పాటు చేసేలా కృషి చేసింది. అలాగే, వారి ఉచిత వసతి సదుపాయం కల్పించింది. ఆ తర్వాత వచ్చిన వైసీపీ ప్రభుత్వం కూడా హైదరాబాద్ నుంచి వచ్చే ఉద్యోగులకు వసతి సదుపాయాన్ని పొడిస్తోంది.

Related Articles

Back to top button