News

agnipath protest, చంచల్‌గూడ జైలు నుంచి ఆర్మీ రీక్రూట్‌మెంట్ అభ్యర్థుల విడుదల – accuses in secunderabad railway station agnipath protest case released from chanchalguda jail


సికింద్రాబాద్ రైల్వే స్టేషన్లో అగ్నిపథ్ ఆందోళన సందర్భంగా అరెస్టైన ఆర్మీ రీక్రూట్‌మెంట్ అభ్యర్థులు చంచల్‌గూడ జైలు నుంచి విడుదలయ్యారు. నెలన్నర రోజుల తర్వాత వారికి బెయిల్ లభించడంతో ఇంటికి తిరిగి పయనమయ్యారు. జైలు నుంచి అభ్యర్థుల విడుదల నేపథ్యంలో కుటుంబ సభ్యులు, బంధువులు అక్కడికి పెద్ద సంఖ్యలో తరలివచ్చారు. ఈ సందర్భంగా అక్కడ భావోద్వేగ దృశ్యాలు కనిపించాయి. మొత్తం 15 మంది అభ్యర్థులు చంచల్‌గూడ జైలు నుంచి విడుదలయ్యారు.

కేంద్రం తీసుకొచ్చిన అగ్నిపథ్ పథకానికి వ్యతిరేకంగా దేశవ్యాప్తంగా పలు చోట్ల ఆందోళనలు జరిగిన విషయం తెలిసిందే. ఈ క్రమంలో జూన్ 17న ఉదయం సికింద్రాబాద్ రైల్వే స్టేషన్‌ వద్దకు అభ్యర్థులు ఒక్కసారిగా పెద్ద సంఖ్యలో చేరుకొని మెరుపు ఆందోళన నిర్వహించారు. ఈ క్రమంలో అక్కడ విధ్వంసం జరిగింది.

రైల్వే ఆస్తులను ధ్వంసం చేసిన ఘటనపై కేసు నమోదు చేసి, రైల్వే పోలీసులు, పోలీసులు పూర్తి స్థాయిలో దర్యాప్తు జరిపారు. 15 మందిని నిందితులుగా గుర్తించి అరెస్ట్ చేశారు. చంచలగూడ జైలుకు రిమాండ్‌కు తరలించారు. నిందితులు హైకోర్టులో బెయిల్ కోసం దరఖాస్తు చేసుకోగా.. పలుమార్లు వాదనల అనంతరం న్యాయస్థానం నేడు బెయిల్ మంజూరు చేసింది.

Related Articles

Back to top button