Aditya L1 Spacecraft,ISRO: ఆదిత్య ఎల్1లో కీలక ఘట్టం.. భూమికి వీడ్కోలు పలికిన స్పేస్‌క్రాఫ్ట్ – isro perfomed the the trans-lagrangian point 1 insertion maneuver of aditya l1 mission

సూర్యుడి బయటి వాతావరణంపై ప్రయోగం కోసం ఇస్రో ఆదిత్య ఎల్1 ప్రయోగాన్ని చేపట్టింది. ఇది సూర్యుడికి చేరువగా వెళ్లదు. భూమి నుంచి ఇది 1.5 మిలియన్ కిలోమీటర్ల దూరం వెళ్తుంది. భూమి నుంచి చంద్రుడు ఉన్న దూరానికి ఇది దాదాపు 4 రెట్లు ఎక్కువ. కానీ భూమి, సూర్యుడి మధ్య దూరంలో ఇది ఒక శాతం మాత్రమే కావడం గమనార్హం. ఆదిత్య ఎల్1లో L1 అనేది సూర్యుడికి, భూమికి మధ్య గురుత్వాకర్షణ పరంగా స్థిరమైన ప్రాంతం. ఇది 1.5 మిలియన్ కిలోమీటర్ల దూరంలో ఉంటుంది. ఇక్కడికి స్పేస్‌క్రాఫ్ట్‌ను పంపించడమే ఇస్రో లక్ష్యం.