adani group, Supreme Court: అదానీ హిండెన్‌బర్గ్ వివాదం ఇప్పట్లో తేలేలా లేదుగా.. సుప్రీం కోర్టు కీలక నిర్ణయం! – adani hindenburg row supreme court gives sebi extension till august 14 to complete probe

Supreme Court: దిగ్గజ పారిశ్రామిక వేత్త గౌతమ్ అదానీకి చెందిన అదానీ గ్రూప్‌పై అమెరికా షార్ట్ సెల్లింగ్ కంపెనీ హిండెన్‌‌బర్గ్ ఈ ఏడాది జనవరిలో సంచలన ఆరోపణలు చేసిన సంగతి తెలిసిందే. భారత స్టాక్ మార్కెట్లలో అదానీ గ్రూప్ అకౌంటింగ్ ఫ్రాడ్స్ చేసిందని, కృత్రిమంగా షేర్ల విలువను పెంచిందని ఒక రిపోర్ట్ విడుదల చేసింది. అయితే ఆ ఆరోపణల్ని అదానీ గ్రూప్ ఖండించినప్పటికీ పెద్దగా లాభం లేకపోయింది. అదానీ గ్రూప్ షేర్లు కుప్పకూలిపోయాయి. అదానీ సంపద కూడా సగానికిపైగా కరిగిపోయింది. ఇక అదానీ గ్రూప్ వ్యవహారంపై .. విచారణ జరపాలని అత్యున్నత న్యాయస్థానం సుప్రీం కోర్టు కూడా సెబీని గతంలో ఆదేశించింది. తాజాగా విచారణ కోసం సెబీకి గడువును మరో 3 నెలల పాటు పొడగించింది. అదానీ- హిండెన్‌బర్గ్ వ్యవహారానికి సంబంధించి ఆగస్టు 14 కల్లా రిపోర్ట్ తమకు సమర్పించాలని ఆదేశించింది.అయితే ఈ విచారణ పూర్తి చేసేందుకు సెబీ వాస్తవంగా 6 నెలల గడువు కోరింది. అయితే సుప్రీం కోర్టు అందుకు ఒప్పుకోలేదు. మరో 3 నెలల గడువు మాత్రమే ఇచ్చింది. ఇక అసలు విషయానికి వస్తే.. హిండెన్‌బర్గ్ ఆరోపణల నేపథ్యంలో ఈ వ్యవహారంలో పలు పిటిషన్లు దాఖలు కాగా.. దీనిపై దర్యాప్తు చేయాలని మార్కెట్ నియంత్రణ సంస్థ సెబీని సుప్రీం కోర్టు మార్చి 2న ఆదేశించింది. మే 2తోనే ఈ గడువు ముగిసినప్పటికీ.. ఆ తర్వాత మరో 6 నెలల పాటు పొడగించాలని కోర్టును కోరింది.

నేటి బంగారం వెండి ధరలు ఇవే..

Visakhapatnam: విశాఖ నుంచి సింగపూర్‌కు ఫ్లైట్.. చాలా తక్కువ ధరకే.. అద్భుతమైన ఆఫర్ త్వరపడండి!

సెబీ పిటిషన్‌‌పై భారత ప్రధాన న్యాయమూర్తి జస్టిస్ డీవై చంద్రచూడ్, జస్టిస్ పీఎస్ నరసింహ, జస్టిస్ జేబీ పర్దీవాలాతో కూడిన బెంచ్ బుధవారం విచారణ చేపట్టింది. 6 నెలల గడువు ఇచ్చేందుకు మాత్రం నిరాకరించింది. ఇప్పటివరకు 2 నెలల గడువు ఇచ్చామని, నిరవధిక పొడగింపు మాత్రం ఇవ్వలేమని స్పష్టం చేసింది. ఇప్పటికే 2 నెలలు ఇచ్చామని, తాజాగా దీనిని మరో 3 నెలల పొడగించామని తెలిపింది. అప్పటివరకు ఏదైనా కారణం సరైనది ఉంటే.. దర్యాప్తు పొడగించే అంశాన్ని పరిశీలిస్తామని సుప్రీం కోర్టు ధర్మాసనం వెల్లడించింది.

Multibagger Stocks: లక్షకు రూ.3 లక్షలు.. దుమ్మురేపిన మల్టీబ్యాగర్ స్టాక్ ఇదే.. ఇది మీ దగ్గరుందా?

FD Rates: శుభవార్త.. వడ్డీ రేట్లు పెంచిన దిగ్గజ బ్యాంక్.. ఎస్‌బీఐ, హెచ్‌డీఎఫ్‌సీ, ఐసీఐసీఐతో పోలిస్తే అధిక లాభం!

• Read Latest Business News and Telugu News