News

7 month pregnant woman, ఢిల్లీలో ఘోరం.. మంటల్లో ఏడు నెలల గర్భిణీ.. భర్త పనేనా..? ప్రమాదమా..? – 7 month pregnant woman set on fire delhi


ఢిల్లీలో విషాదకర ఘటన చోటుచేసుకుంది. ఏడు నెలల గర్భంతో ఉన్న మహిళ మంటల్లో చిక్కుకుంది. ఈ ప్రమాదంలో గర్భిణీ శరీరం చాలా వరకు కాలిపోయింది. తీవ్రంగా గాయపడిన మహిళను హుటాహుటిన ఆస్పత్రికి తరలించారు. సఫ్దర్‌జంగ్ ఆస్పత్రిలో గర్భిణికి వైద్యులు చికిత్స అందిస్తున్నారు. కాగా.. సమాచారం అందుకున్న పోలీసులు ఘటనాస్థలికి చేరుకుని ప్రమాదంపై ఆరా తీస్తున్నారు. ఈ ఘటనపై సర్వత్రా అనుమానాలు వ్యక్తమవుతున్నాయి.

” ఏడు నెలల గర్భిణిపై భర్త, అత్తమామలు.. పెట్రోలు పోసి నిప్పంటించారు. ఈ ఘటనలో గర్భిణీ శరీరం చాలా వరకు కాలిపోయింది. ఆమె పరిస్థితి విషమంగా ఉంది. ఆస్పత్రిలో చికిత్స పొందుతోంది. పోలీసులకు ఈ విషయాన్ని చేరవేశాం. ఢిల్లీలో ఇలాంటి ఘటనలు రోజురోజుకు పెరిగిపోతున్నాయి.” అంటూ డీసీడబ్ల్యూ ఛైర్‌పర్సన్ స్వాతి మలివాల్ ట్వీట్ చేశారు. దీంతో ఈ కేసు వెలుగులోకి వచ్చింది.

ఢిల్లీలోని బవానా ప్రాంతానికి చెందిన కుష్బూ అనే మహిళ.. ఏడు నెలల గర్భంతో ఉంది. అయితే.. ఆమె భర్త వీర్ ప్రతాప్‌ కూడా ఈ ఘటనలో గాయపడినట్టు తెలుస్తోంది. ఇద్దరు కలిసి చలి మంట కాచుకుంటుండగా.. ఓ చిన్నారి పేయింట్ బాటిల్‌ను మంటలోకి విసరాడు. దీంతో.. మంట ఒక్కసారిగా చెలరేగింది. ఈ క్రమంలోనే గర్భిణీకి మంటలు అంటుకున్నాయి. ఆర్పేందుకు ప్రయత్నించేలోపే ఆమె శరీరం చాలా వరకు కాలిపోయిందని ఢిల్లీ పోలీసులు చెబుతున్నారు.

అయితే.. కుష్భూ కుటుంబ సభ్యుల వాదన మరోవిధంగా ఉంది. కుష్భూ భర్త, అతని తల్లిదండ్రులే ఈ ఘాతుకానికి పాల్పడ్డారని కుష్బూ సోదరుడు ఆరోపిస్తున్నాడు. అత్తింటి వాళ్లు తన సోదరిని వేధింపులకు గురిచేస్తున్నారని.. అందులోభాగంగానే ఇలా చేశారని ఆక్షేపిస్తున్నాడు. కాగా.. ఈ విషయం బయటికి వచ్చింది కూడా అదే వాదనతో కావటం గమనార్హం.

అయితే.. ఈ కేసులో గర్భిణీ మంటల్లో చిక్కుకోవటం ప్రమాదవశాత్తు జరిగిందా.. లేక ఆమె భర్త, అత్తమామలు చేసి పనేనా అన్న అంశంపై మాత్రం స్పష్టత రావాల్సి ఉంది.

తల్లిదండ్రులు కాబోతోన్న ఇంటర్నెట్ సంచలన ‘గే జంట’.. మేలో డెలివరీ..!

  • Read More Telangana News And Telugu News

Related Articles

Back to top button