News

6 new political parties, ఏపీ, తెలంగాణలో మరో 6 కొత్త పార్టీలు.. లిస్టులో రేవంత్ రెడ్డి, పవన్ కళ్యాణ్ పార్టీలు..! – another 6 new political parties to announce in telangana and ap states


వచ్చేది ఎన్నికల సంవత్సరం. ఇప్పటికే ప్రధాన పార్టీలు ఎలక్షన్స్‌కు సిద్ధమవుతున్నాయి. రెండు తెలుగు రాష్ట్రాల్లోనూ ఇప్పటికే రాజకీయ వేడి మొదలైంది. ఇప్పటికే రాష్ట్రంలో పెద్దఎత్తున రాజకీయ పార్టీలుండగా.. మరిన్ని కొత్త పార్టీలు పుట్టుకురాబోతున్నాయి. ఇందుకోసం దరఖాస్తులు కూడా పెట్టుకున్నారు. అయితే రెండు తెలుగు రాష్ట్రాలకు కలిపి మొత్తంగా ఆరు పార్టీల ఏర్పాటు కోసం కేంద్ర ఎన్నికల సంఘానికి దరఖాస్తులు అందాయట. తెలంగాణ రాష్ట్రంలో మూడు పార్టీలు, ఆంధ్రప్రదేశ్ రాష్ట్రంలో నుంచి మరో మూడు పార్టీల చొప్పున ఈసీకి దరఖాస్తులు వచ్చాయి. అయితే.. అందులో కొన్నింటికి ఇప్పటికే ఆమోదం కూడా లభించిందట. మిగిలిన వాటికి కూడా త్వరలో రిజిస్ట్రేషన్ ప్రక్రియ పూర్తికానుందని సమాచారం. అయితే.. దరఖాస్తులు అందిన వాటిల్లో ఆసక్తికరంగా.. జనసేన, కాంగ్రెస్‌ పదాలు ఉండేటట్టుగా పార్టీల పేర్లు ఉన్నాయి.

అందులో ప్రధానంగా.. తెలంగాణ నుంచి జాతీయ జనసేన పార్టీ, తెలంగాణ సమాజ కాంగ్రెస్ పార్టీ, అలయెన్స్ డెమొక్రటిక్ రిఫార్మ్స్ పార్టీ పేరుతో దరఖాస్తులు వెళ్లాయి. ఆంధ్రప్రదేశ్ నుంచి తెలుగుతేజం పార్టీ, భారత్ సమాజ్ డెవలప్‌మెంట్ పార్టీ, జై బహుజన్ హ్యూమన్ ఎంపవర్‌మెంట్ ఎనేబ్లింగ్ మాస్టర్స్ పార్టీ పేర్లతో దరఖాస్తులు అందినట్టు సమాచారం. అయితే.. ఇటీవల టీపీసీసీ అధ్యక్షుడు రేవంత్ రెడ్డి కొత్త పార్టీ పెడుతున్నారని ప్రచారం జరిగింది. దాని పేరు తెలంగాణ సమాజ కాంగ్రెస్ పార్టీ అని కూడా పెద్దఎత్తున వార్తలు వచ్చాయి. మరోవైపు.. జనసేన పార్టీ తెలంగాణలో కూడా పోటీ చేయనుందని ఆ పార్టీ అధినేత పవన్ కళ్యాణ్ ప్రకటించారు. అందుకోసం తెలంగాణలో పార్టీపరంగా కసరత్తు కూడా ప్రారంభించారు. ఈ క్రమంలో ఆ రెండు పేర్లతో కొత్త పార్టీలకు ధరఖాస్తులు అందటం చర్చనీయాంశంగా మారింది.

హైదరాబాద్ జూబ్లీహిల్స్ అడ్రస్‌తో దుగ్గిరాల రాజేశ్వరరావు అధ్యక్షుడిగా, గుడిగిరి మమత ప్రధాన కార్యదర్శిగా.. జాతీయ జనసేన పార్టీ రిజిస్ట్రేషన్ కోసం దరఖాస్తు చేశారు. రంగారెడ్డి జిల్లా మామిడిపల్లి గ్రామానికి చెందిన దోసేపల్లి నరహరి అధ్యక్షుడిగా.. రేగులపల్లి చంద్రశేఖరరెడ్డి ప్రధాన కార్యదర్శులుగా తెలంగాణ సమాజ కాంగ్రెస్ పార్టీ కోసం దరఖాస్తు చేశారు. మరోవైపు.. హిమాయత్ నగర్ నుంచి ఎం.శేషగిరిరావు అధ్యక్షుడిగా.. ఎం.రఘునాధ గౌడ్ ప్రధాన కార్యదర్శిగా అలయెన్స్ డెమొక్రటిక్ రిఫార్మ్స్ పార్టీ పేరుతో దరఖాస్తు చేసుకున్నారు. అయితే.. ఈ మూడు పార్టీలపై ప్రజల నుంచి అభిప్రాయాలను తెలుసుకోడానికి పత్రికల ద్వారా ప్రకటనలు ఇవ్వటం కూడా జరిగిపోయింది.

మరోవైపు.. ఆంధ్రప్రదేశ్‌లో విశాఖపట్నం నుంచి భారత్ సమాజ్ డెవలప్‌మెంట్ పార్టీ, ఏలూరు నుంచి జై బహుజన్ హ్యూమన్ ఎంపవర్‌మెంట్ ఎనేబ్లింగ్ మాస్టర్స్ పార్టీ, సత్తెనపల్లి నుంచి తెలుగుతేజం పార్టీ కోసం అప్లికేషన్లు పెట్టుకున్నారు.

Warangal: పుట్టిన ఆస్పత్రికే వైద్యురాలిగా వచ్చింది.. తండ్రి కన్న కలను నిజం చేసింది..
సీఎం కేసీఆర్‌కు ‘బట్టతల’ బాధితుల డిమాండ్.. 6 వేల పెన్షన్ ఇవ్వాల్సిందేనటా.. లేకపోతే..

  • Read More Telangana News And Telugu News

Related Articles

Back to top button