News

హుజురాబాద్, Huzurabad: తీవ్ర ఉద్రిక్తత.. కర్రలతో దాడి చేసుకున్న బీజేపీ, టీఆర్‌ఎస్ కార్యకర్తలు – tension at huzurabad as fight between bjp and trs workers


Authored by Sreenu Gangam | Samayam Telugu | Updated: Aug 5, 2022, 12:26 AM

Huzurabad: కరీంనగర్ జిల్లా హుజురాబాద్ పట్టణంలో తీవ్ర ఉద్రిక్తత చోటు చేసుకుంది. టీఆర్‌ఎస్, బీజేపీ కార్యకర్తలు పరస్పరం కర్రలతో దాడి చేసుకున్నారు. పోలీసుల ముందే కర్రలతో కొట్టుకున్నారు. బీజేపీ ఎమ్మెల్యే ఈటల రాజేందర్, టీఆర్‌ఎస్ ఎమ్మెల్సీ పాడి కౌశిక్ రెడ్డి మధ్య సవాల్, ప్రతి సవాళ్ల నేపథ్యంలో ఈ ఘర్షణ చోటు చేసుకుంది. ఇరువర్గాల మధ్య తోపులాట, కర్రల దాడితో సుమారు గంట పాటు వాహనాల రాకపోకలకు అంతరాయం ఏర్పడింది.

 

హుజురాబాద్‌లో ఉద్రిక్తత
హుజురాబాద్ పట్టణంలో తీవ్ర ఉద్రిక్తత చోటు చేసుకుంది. స్థానిక ఎమ్మెల్యే, బీజేపీ నేత ఈటల రాజేందర్, ఎమ్మెల్సీ పాడి కౌశిక్ రెడ్డి (టీఆర్‌ఎస్) చర్చలకు సిద్ధమా అంటూ సవాల్, ప్రతి సవాళ్లు విసురుకున్న నేపథ్యంలో హుజురాబాద్‌ పట్టణంలోని అంబేద్కర్ చౌరస్తా వద్ద బీజేపీ, టీఆర్‌ఎస్ కార్యకర్తలు పోటాపోటీగా ఫ్లెక్సీలు ఏర్పాటు చేసుకున్నారు. ఈ క్రమంలో ఇరువర్గాలకు చెందిన కార్యకర్తలు బాహాబాహికి దిగారు. పోలీసుల ముందే పరస్పరం కర్రలతో దాడులు చేసుకున్నారు. బూతులు తిట్టుకున్నారు. పోటాపోటీగా నినాదాలు చేశారు.

పోలీసులు రంగ ప్రవేశం చేసి ఇరువర్గాలకు నచ్చజెప్పే ప్రయత్నం చేశారు. అయినప్పటికీ వాళ్లు వెనక్కి తగ్గలేదు. ఈ సందర్భంగా తోపులాట చోటు చేసుకొని కొంత మంది పోలీసు సిబ్బంది గాయపడ్డారు. ఇరువర్గాల మధ్య తోపులాట, కర్రల దాడితో ఆ మార్గంలో సుమారు గంట పాటు వాహనాల రాకపోకలకు అంతరాయం ఏర్పడింది. చివరికి పోలీసులు వారిని అక్కడ నుంచి పంపించేసి పరిస్థితిని చక్కదిద్దడంతో అందరూ ఊపిరి పీల్చుకున్నారు.

Munugode shooting: మునుగోడులో కాల్పుల కలకలం

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title : Telugu News from Samayam Telugu, TIL Network

Advertisement

Related Articles

Back to top button