News

విశాఖను రాజధానిగా వ్యతిరేకించే వారిని ఉత్తరాంధ్రలో తిరగనివ్వొద్దు: మంత్రి అప్పలరాజు



విశాఖపట్నంను పరిపాలన రాజధానిగా చేయాలన్న ముఖ్యమంత్రి వైఎస్ జగన్మోహన్ రెడ్డి నిర్ణయాన్ని వ్యతిరేకించిన ఏ ఒక్క నాయకుడిని ఉత్తరాంధ్రలో తిరగనివ్వవద్దని రాష్ట్ర పశుసంవర్థక, మత్స్యశాఖ మంత్రి సిదిరి అప్పలరాజు వ్యాఖ్యానించారు. విశాఖపట్నం ఫిషింగ్‌ హార్బర్‌లో రూ. 2.75 కోట్లతో నిర్మించిన ఆధునిక చేపల మార్కెట్‌ను మంత్రి ప్రారంభించారు.

ఈ సందర్భంగా ఏర్పాటు చేసిన సమావేశంలో మాట్లాడుతూ.. సుస్థిరమైన పాలన కావాలంటే మళ్లీ ముఖ్యమంత్రిగా వైఎస్ జగన్మోహన్ రెడ్డిని ఎన్నుకోవాలని ప్రజలకు విజ్ఞప్తి చేశారు. ముఖ్యమంత్రిగా చేసినప్పుడు చంద్రబాబుకు ఉత్తరాంధ్ర గుర్తులేదని.. విశాఖపట్నం అసలు గుర్తుకే రాలేదన్నారు. ఎన్నికలు ఉన్నాయి కాబట్టి ఉత్తరాంధ్ర కావాలి.. రాజకీయాలు చేయాలన్నారు. అందరం ఒక్కమాటపై నిలబడి విశాఖపట్నంను రాజధానిగా వ్యతిరేకించే వారిని ఈ ప్రాంతంలో అడుగు పెట్టనివ్వకూడదని పిలుపునిచ్చారు. 2024లో రాబోయే ఎన్నికలకు చంద్రబాబు చేసే మోసపూరిత వాగ్దానాలను నమ్మవద్దని మంత్రి అప్పలరాజు ప్రజలకు సూచించారు.

మరోవైపు, విశాఖ నుంచి పరిపాలన రాజధాని కార్యకలాపాలు ప్రారంభం అయ్యే సమయం దగ్గరకు వచ్చిందని రాష్ట్ర ఐటీ, పరిశ్రమల శాఖ మంత్రి గుడివాడ అమర్నాథ్ అన్నారు. తన వ్యక్తిగత ఉద్దేశం ప్రకారం ఎలాంటి బిల్లు పెట్టకుండానే ముఖ్యమంత్రి వైఎస్ జగన్మోహన్ రెడ్డి విశాఖపట్నం రావాలని కోరుకుంటానని తెలిపారు. ఈ విద్యా సంవత్సరం తర్వాత ఎప్పుడైనా విశాఖ నుంచి పరిపాలన మొదలవుతుందని వెల్లడించారు.

Related Articles

Back to top button