News

మునుగోడు, Munugode shooting: మునుగోడులో కాల్పుల కలకలం – gun fire on young man in munugode in nalgonda district


Authored by Sreenu Gangam | Samayam Telugu | Updated: Aug 5, 2022, 12:06 AM

Munugode: నల్గొండ జిల్లా మునుగోడులో కాల్పుల ఘటన కలకలం రేపింది. మునుగోడు మండలం ఊకొండి గ్రామం వద్ద బైకుపై వెళ్తున్న ఓ వ్యక్తిపై దుండగులు కాల్పులు జరిపారు. 3 రౌండ్లు కాల్పులు జరపడంతో తీవ్ర గాయాలయ్యాయి. స్థానికులు అతడిని నార్కట్‌పల్లిలోని కామినేని ఆస్పత్రికి తరలించారు. బాధితుడిని నార్కట్‌పల్లి మండలం బ్రాహ్మణవెళ్లెం గ్రామానికి చెందిన లింగస్వామిగా గుర్తించారు. కాల్పులకు గల కారణాలు తెలియాల్సి ఉంది. పోలీసులు దర్యాప్తు చేస్తున్నారు. నిందితుల కోసం గాలిస్తున్నారు.

 

మునుగోడులో కాల్పుల కలకలం
మునుగోడులో కాల్పులు కలకలం సృష్టించాయి. మునుగోడు (Munugode) మండలం ఊకొండి వద్ద బైకుపై వెళ్తున్న ఓ యువకుడిపై దుండగులు కాల్పులు జరిపారు. మూడు రౌండ్లు కాల్పులు జరపడంతో తీవ్ర గాయాలయ్యాయి. స్థానికులు అతడిని నార్కట్‌పల్లి కామినేని ఆస్పత్రికి తరలించారు. బాధితుడిని నార్కట్‌పల్లి మండలం బ్రాహ్మణవెళ్లంల గ్రామానికి చెందిన లింగస్వామిగా గుర్తించారు. గురువారం (ఆగస్టు 4) రాత్రి ఈ ఘటన చోటు చేసుకుంది. కోమటిరెడ్డి రాజగోపాల్ రెడ్డి రాజీనామా వ్యవహారంతో వార్తల్లో ప్రముఖంగా నిలిచిన మునుగోడులో కాల్పుల ఘటన చోటు చేసుకోవడం చర్చనీయాంశంగా మారింది. ఘటనకు సంబంధించిన సమాచారం అందుకున్న పోలీసులు సంఘటనా స్థలానికి వచ్చి పరిశీలించారు. నిందితుల కోసం దర్యాప్తు చేస్తున్నారు.

బాధితుడు లింగస్వామి బ్రాహ్మణవెళ్లంలలో ట్రాక్టర్ డోజర్ నడిపుతున్నాడు. మునుగోడులో కొన్ని రోజుల కిందట వాటర్ ప్లాంట్ ప్రారంభించాడు. రోజూ మాదిరిగానే గురువారం రాత్రి పని ముగించుకుని ఇంటికి వెళ్తుండగా.. మార్గమధ్యంలో కాపు కాచిన దుండగులు కాల్పులు జరిపారు. హత్యాయత్నానికి ఆర్థిక వ్యవహారాలా? లేక ఇతర కారణాలు ఏవైనా ఉన్నాయా అనే కోణాల్లో పోలీసులు‌ విచారణ చేస్తున్నారు.

Kolanupaka: వాగులో పడిపోయిన టీచర్.. కాపాడిన సర్పంచ్

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title : Telugu News from Samayam Telugu, TIL Network

Advertisement

Related Articles

Back to top button