మండే ఎండ.. కాళ్లకు చెప్పులు కూడా లేవు.. ఈ 'గాంధీ' కష్టం చూస్తే కన్నీళ్లు రాక మానవు..!

కూటి కోసం కోటి విద్యలు అన్నారు పెద్దలు. ఇది అక్షరాల నిజం… కొందరికి మూడు పూటలా అన్నం దొరికితే.. మరికొందరికి మాత్రం ఒక పూట భోజనం దొరికితే మరో పూట పస్తులు ఉండాల్సిన దుస్థితి ఉంటుంది. రెక్కాడితే గానీ డొక్కాడని పరిస్థితి ఏర్పడింది. కొందరు తమ జానెడు పొట్ట నింపుకోవడం కోసం నానా అవస్థలు పడుతున్నారు. అందులోనూ.. ఈ ఎండాకాలంలో పరిస్థితి మరింత దుర్బరంగా ఉంటాయి. పైనుంచి సూర్యుడు భగ భగా మండుతున్నా.. భూమిలో నుంచి సెగలు వస్తున్నా.. చెమటలు ధారలు పడుతున్నా.. లెక్కచేయకుండా కష్టపడుతుంటారు. అలాంటి వారిని చూస్తుంటే.. తెలియకుండానే గుండెలు చివుక్కుమంటుంటాయి. అచ్చం అలాంటి పరిస్థితుల్లోనే.. కరీంనగర్‌ రోడ్లపై ఓ బాలుడు కనిపించాడు. భగ భగ మండుతున్న ఎండల వేడికి రోడ్లన్నీ నిర్మానుష్యన్నీ తలపిస్తుంటే.. ఓ బాలుడు మాత్రం ఎండను సైతం లెక్కచేయకుండా.. కాళ్లకు కనీసం చెప్పులు కూడా లేకుండా గాంధీ వేషధారణలో రోడ్లపై చేస్తున్నాడు. మనుసులను కదిలించే ఈ దృశ్యం పట్టణంలోని టవర్ సర్కిల్ జాతీయ రహదారిపై కనిపించింది. సెలవుల్లో ఇంట్లో ఫ్యాన్లు, కూలర్ల కింద కూర్చుని సెల్ ఫోన్లలో గేమ్స్ ఆడుకుంటూనో.. గ్రౌండ్లలో ఆటలు ఆడుకుంటూనో.. చాలా మంది పిల్లలు టైంపాస్ చేస్తున్న నేపథ్యంలో… ఓ చిన్నారి ఇలా నడి ఎండలో కాళ్లకు చెప్పులు కూడా లేకుండా తిరుగుతుండటం స్థానికులను కదిలించింది. ఈ ఒక్క దృశ్యం చాలు.. మన రాష్ట్రమైనా, దేశమైనా ఇంకా అభివృద్ధి చెందుతూనే ఉన్నాయి అని చెప్పడానికి..!

• Read More And