News

భూకంపం తర్వాత కుప్పకూలిన అపార్ట్‌మెంట్.. శిథిలాల్లో 15 కుటుంబాలు, విషాదం



ఉత్తర ప్రదేశ్‌ రాజధాని లక్నోలో ఘోర ప్రమాదం చోటు చేసుకుంది. అనంతరం నగరంలోని ఇజ్రత్‌ గంజ్‌ ప్రాంతంలోని ఓ నాలుగు అంతస్తుల భవనం కుప్పకూలిపోయింది. శిథిలాల కింద 35 మందికి పైగా చిక్కుకున్నట్లు తెలుస్తోంది. సహాయక సిబ్బంది 5 మృతదేహాలను బయటకు తీసుకొచ్చారు. 12 మందిని కాపాడి ఆస్పత్రికి తరలించారు. శిథిలా కింద ఇంకా 20 మంది వరకు ఉన్నట్లు అనుమానిస్తున్నారు. ప్రమాదానికి గురైన అపార్ట్‌మెంట్‌లో 15 కుటుంబాలు నివసిస్తున్నట్లు తెలుస్తోంది. భవనం కూలిన వార్త అందుకోగానే ఎన్డీఆర్‌ఎఫ్‌, ఎస్డీఆర్‌ఎఫ్‌, అగ్నిమాపక బృందాలు ఘటనా స్థలానికి చేరుకొని సహాయక చర్యలు చేపట్టాయి. ఈ ఘటనపై యూపీ ముఖ్యమంత్రి యోగి ఆదిత్య నాథ్ దిగ్భ్రాంతి వ్యక్తం చేశారు. సహాయక చర్యలు వేగవంతం చేయాలని అధికారులను ఆదేశించారు.మంగళవారం మధ్యాహ్నం ఢిల్లీ సహా పరిసర ప్రాంతాల్లో భూ ప్రకంపనలు చోటు చేసుకున్నాయి. మధ్యాహ్నం 2.28 గంటల సమయంలో సుమారు 30 సెకన్ల పాటు భూమి కంపించింది. భూకంప తీవ్రతకు ఇళ్లలో వస్తువులు, ఫ్యాన్లు, షాండ్లియర్లు కదిలిన దృశ్యాలను ఢిల్లీ వాసులు సోషల్‌ మీడియాలో పోస్ట్‌ చేశారు. ప్రజలు భయాందోళనకు గురై వీధుల్లోకి పరుగెత్తుకొచ్చారు.భూకంప కేంద్రం నేపాల్ ఉన్నట్లు అధికారులు తెలిపారు. రిక్టర్‌ స్కేలుపై భూకంప తీవ్రత 5.8గా నమోదైనట్లు వెల్లడించారు. ఉత్తరాఖండ్‌లోని పితోరగఢ్‌కు 148 కి.మీ. దూరంలో నేపాల్‌లో భూకంప కేంద్రం ఉన్నట్లు గుర్తించారు. ఈ భూకంపం కారణంగా ఢిల్లీ, ఉత్తరప్రదేశ్, ఉత్తరాఖండ్, హర్యానాలోని పలు ప్రాంతాల్లో ప్రకంపనలు చోటు చేసుకున్నాయి. ఢిల్లీలో భూమి కంపించడం ఈ నెలలో ఇది మూడోసారి. కిందటిసారి అఫ్గానిస్థాన్‌లో భూకంపకేంద్రాన్ని గుర్తించారు.

Related Articles

Back to top button