News
బ్యాంకులు ఎన్ని రకాల లోన్లు ఇస్తాయో తెలుసా? ఈ లిస్ట్‌లో మీకు వర్తించే లోన్ ఏదో చూసుకోండి!
: ప్రస్తుత రోజుల్లో ఏ చిన్న పని చేయాలన్నా చాలా డబ్బులు అవసరమవుతున్నాయి. అందుకు లోన్ తీసుకోక తప్పదు. దీంతో ఏదో ఒక అవసరంతో బ్యాంకులో లోన్ తీసుకుంటున్న వారి సంఖ్య పెరుగుతోంది. అయినప్పటికీ ఎక్కువగా , హోమ్ లోన్, వెహికల్ లోన్స్ తీసుకుంటారు. ఎక్కువ మందికి వాటి గురించే తెలుసు. అయితే.. కొద్ది మంది మాత్రమే బిజినెస్‌ వెంచర్‌, వైద్య ఖర్చుల వంటి వాటికి రుణాలు తీసుకుంటున్నారు. అయితే, బ్యాంకులు ఇంకా చాలా రకాల రుణాలు ఇస్తుంటాయి. అందులో మీరు చేయాలనుకునే పనికి తగినవి సైతం ఉంటాయి. ప్రస్తుతం భారతీయ బ్యాంకులు ఏకంగా 19 రకాల రుణాలు అందిస్తున్నాయి. వాటి గురించి తెలుసుకుని మీకు ఏది వర్తిస్తుందో చెక్ చేసుకోవడం మంచిది.
- వ్యక్తిగత రుణాలు: కొలేటరల్ రిక్వైర్‌మెంట్స్ అనేది ఇందులో ఉండదు. దీంతో అన్‌సెక్యూర్డ్ పర్సనల్ లోన్స్ చాలా పాపులర్‌ గా మారాయి. ఈ లోన్లు ఆదాయం, సిబిల్ స్కోర్, తిరిగి చెల్లించే కెపాసిటీ వంటి వివిధ అంశాలపై ఆధారపడి ఇస్తాయి బ్యాంకులు. వీటిపై ఎక్కువ వడ్డీ విధిస్తుంటాయి బ్యాంకులు.
- గృహ రుణాలు: ఇల్లు నిర్మించుకోవడం, కొత్త ఇల్లు కొనుగోలు చేయడం కోసం బ్యాంకుల్లో రుణాలు తీసుకుంటున్నారు. బ్యాంకులు వివిధ ఆఫర్ల ప్రకటిస్తూ వడ్డీలో రాయితీ కల్పిస్తుంటాయి.
- హోమ్ రెనోవేషన్‌ లోన్స్: ఇంటిని బాగు చేసుకునేందుకు, ఇంటీరియర్ డిజైన్స్ కోసం ఈ లోన్లు ఇస్తుంటాయి బ్యాంకులు.
- పెళ్లి ఖర్చుల కోసం రుణాలు: వివాహ ఖర్చుల కోసం బ్యాంకులు రుణాలు ఇస్తుంటాయి. పెళ్లిలో అయ్యే వివిధ ఖర్చులను కవర్ చేసేందుకు ఈ లోన్లు ఉపయోగపడతాయి.
- శాలరీ అడ్వాన్స్ లోన్స్: స్థిరమైన జీతం వచ్చే వారికి మంజూరు అయ్యే స్వల్ప కాలిక లోన్స్ ఇవి. శాలరీ ఖాతాలో క్రెడిట్ కావడానికి ముందే కొంత యాక్సెస్ చేయడానికి ఈ లోన్స్ వీలు కల్పిస్తాయి.
- విద్యా రుణాలు: ట్యూషన్ ఫీజులు, పుస్తకాలు, వసతి వంటి ఇతర ఖర్చులకు ఈ రుణాలు మంజూరు చేస్తాయి బ్యాంకులు. ఈ లోన్లు దేశీయంగా లేదా విదేశాల్లో చదువుకునే వారికి ఇస్తాయి.
- మెడికల్‌ లోన్స్: అత్యవసరంగా ఎదురయ్యే అనారోగ్య పరిస్థితులు లేక ముందస్తు చికిత్సల కోసం మెడికల్‌ లోన్స్ ఇస్తుంటాయి బ్యాంకులు. ఈ లోన్లు వివిధ వైద్య ఖర్చులను కవర్ చేస్తాయి.
- సెల్ఫ్‌ ఎంప్లాయ్డ్‌ వ్యాపార రుణాలు: ఎంట్రప్రెన్యూర్స్‌, బిజినెస్‌ ఓనర్స్‌ వంటి వారికి ఈ లోన్లు అందిస్తాయి బ్యాంకులు. ఈ రుణాలకు బిజినెస్‌ బ్యాంక్ స్టేట్‌మెంట్, ఇన్‌కమ్ ట్యాక్స్ రిటర్న్‌లు, ఫైనాన్షియల్ రికార్డుల వంటి కీలక డాక్యుమెంట్లు అవసరం అవుతాయి.
- పర్సనల్ లైన్ ఆఫ్‌ క్రెడిట్: ప్రీ-అప్రూవ్డ్ క్రెడిట్ లిమిట్‌ ద్వారా రుణ గ్రహీతలకు అవసరమైన నిధులు యాక్సెస్ చేసేందుకు వీలు కల్పిస్తాయి బ్యాంకులు. కస్టమర్లు వాడిన మొత్తానికే వడ్డీ చెల్లించాలి.
- సెక్యూర్డ్ పర్సనల్ లోన్స్: ఈ లోన్లు సెక్యూర్ చేయడానికి ఏదైనా తాకట్టు పెట్టాల్సి ఉంటుంది. దీంతో వడ్డీ రేట్లు భారీగా తగ్గుతాయని చెప్పవచ్చు. తనఖా పెట్టే ఆస్తులు, ఫిక్స్‌డ్ డిపాజిట్లు, బంగారం వంటి వాటి విలువ ఆధారంగా రుణం మంజూరువుతుంది.
- యూజ్డ్‌ కార్‌ లోన్స్: సెకండ్ హ్యాండ్ కార్ల మార్కెట్‌ను అందిపుచ్చుకునేందుకు యూజ్డ్‌ కార్‌ లోన్స్ అందిస్తుంటాయి బ్యాంకులు. ప్రీ-ఓన్డ్‌ వెహికల్స్‌ని కొనేందుకు ఈ లోన్స్ అనువుగా ఉంటాయి.
- స్మాల్‌ పర్సనల్ లోన్స్: ఈ రుణాలు వ్యక్తిగత అవసరాల తీర్చే క్విక్‌ ఫైనాన్షియల్ బూస్ట్‌ ఇస్తాయి. తక్కువ రీపేమెంట్ వ్యవధి కలిగి ఉంటాయి.
- లైన్ ఆఫ్‌ క్రెడిట్: ఈ లోన్లు ముందుగా నిర్ణయించిన క్రెడిట్ లిమిట్‌కి ఆధారంగా యాక్సెస్ చేసేందుకు వీలు కల్పిస్తాయి బ్యాంకులు. ఇవి ఎక్కువగా క్రెడిట్ కార్డ్‌లకు లింక్ అయి ఉంటాయని చెప్పవచ్చు.
- గోల్డ్ పర్సనల్ లోన్స్: బంగారం తాకట్టు పెట్టి తీసుకునే వాటిని గోల్డ్ పర్సనల్ లోన్స్ అంటారు. తక్కువ వడ్డీ రేట్లు, సౌకర్యవంతమైన నిబంధనలు ఉంటాయి.
- డెట్ కన్సాలిడేషన్ రుణాలు: ఇతర లోన్లు ఉన్నవారికి ఈ రుణాలు అనువైనవి. ఈ రుణాలు బకాయి ఉన్న ఇతర అప్పులను సింగిల్‌ మేనేజబుల్‌ రుణాలుగా మారుస్తాయి.
- ట్రావెల్‌ లోన్స్: ఇవి ప్రత్యేకంగా తరుచుగా ప్రయాణాలు చేసే వారి కోసం ఇస్తుంటాయి బ్యాంకులు. విమానాల నుంచి వసతి వరకు అన్ని ఖర్చులను కవర్ చేస్తుంటాయి.
- క్విక్‌ లోన్ యాప్‌లు: డిజిటల్ ట్రాన్సాక్షన్లు పెరుగుతున్న క్రమంలో యాప్‌లు తక్షణ ఆర్థిక అవసరాలను తీర్చేందుకు వేగంగా, యాక్సెసిబుల్‌ రుణాలు అందిస్తుంటాయి.
- లైన్ ఆఫ్‌ క్రెడిట్ ఆన్‌ క్రెడిట్ కార్డ్స్‌: పర్సనల్ క్రెడిట్ లైన్ లాగానే ఈ రుణాలు ఉంటాయి. అయితే క్రెడిట్ కార్డ్‌తో ముడిపడి ఉంటాయని గుర్తుంచుకోవాలి.
- కన్స్యూమర్ డ్యూరబుల్ లోన్స్: ఈ లోన్లు గృహోపకరణాలు, ఎలక్ట్రానిక్స్ వంటి వస్తువులు కొనుగోలు చేసేందుకు బెస్ట్ ఆప్షన్‌గా చెప్పుకోవచ్చు.
- Read Latest and
