News

పవన్ కళ్యాణ్ ప్రశాంతంగా సినిమాలు చేసుకోవచ్చు కదా.. మిడిమిడిజ్ఞానంతో ఇలా.. కొడాలి నాని సెటైర్లు



జనసేన పార్టీ అధినేత పవన్‌ కళ్యాణ్‌కు గుడివాడ వైఎస్సార్ కాంగ్రెస్ పార్టీ ఎమ్మెల్యే, మాజీ మంత్రి కొడాలి చురకలంటించారు. ప్రశాంతంగా సినిమాలు చేసుకోక మిడిమిడిజ్ఞానంతో రాజకీయాలు చేయడం ఎందుకని ప్రశ్నించారు. ఇప్పటంలో ప్రభుత్వానికి వ్యతిరేకంగా కోర్టు మెట్లు ఎక్కిన పిటిషనర్లలో ఒక్కొక్కరికి హైకోర్టు లక్ష రూపాయిల జరిమానా విధించిన విషయం తెలిసిందే.

కాగా, మంగళగిరి నియోజకవర్గం ఇప్పటంలో రోడ్డు విస్తరణలో భాగంగా ప్రభుత్వం పలు అక్రమ కట్టడాలను తొలగించింది. దీంతో ప్రభుత్వంపై జనసేనాని పవన్ కళ్యాణ్ భగ్గుమన్నారు. ఇప్పటం గ్రామంలో పర్యటించి బాధిత కుటుంబాలకు రూ. లక్ష చొప్పున పరిహారం ఇస్తానని ప్రకటించారు. ఈ క్రమంలో, ప్రభుత్వ చర్యకు వ్యతిరేకంగా కొందరు హైకోర్టు మెట్లు ఎక్కారు. ప్రభుత్వం నోటీసులు ఇవ్వకుండానే నిర్మాణాలను కూల్చేసిందని ఆరోపించారు. అయితే, ప్రభుత్వం ముందే నోటీసులు ఇచ్చినట్లు గుర్తించిన హైకోర్టు.. పిటిషనర్లపై హైకోర్టు ఆగ్రహం వ్యక్తం చేశారు. గురువారం 14 మంది పిటిషనర్లకు రూ. లక్ష చొప్పున జరిమానా విధించింది.

కోర్టు ఆదేశాల నేపథ్యంలో ఇప్పటం విషయంలో ప్రభుత్వంపై భగ్గుమన్న పవన్ కళ్యాణ్‌పై సెటైర్లు వేశారు. ‘‘నీ గురువు చంద్రబాబు మళ్ళీ అధికారంలోకి వచ్చేది లేదు.. నువ్వు ఎమ్మెల్యేగా గెలిచేది లేదు. ప్రశాంతంగా సినిమాలు చేసుకోక మిడిమిడిజ్ఞానంతో రాజకీయాలు చేయడం ఎందుకు పవన్ కళ్యాణ్. ఇప్పటం పిటిషనర్లకు ఒక్కొక్కరికి లక్ష రూపాయలు జరిమానా విధించిన హైకోర్టు.’’ అని కొడాలి నాని వ్యాఖ్యానించారు.

Related Articles

Back to top button