News

జూ.ఎన్టీఆర్‌పై కొడాలి నాని ఇంట్రెస్టింగ్ కామెంట్స్.. ఆ టైం వచ్చినప్పుడు టీడీపీ పగ్గాలు ఆయనకే!



ప్రముఖ సినీ నటుడు జూనియర్ ఎన్టీఆర్‌పై గుడివాడ వైఎస్సార్ కాంగ్రెస్ పార్టీ ఎమ్మెల్యే, మాజీ మంత్రి మరోసారి ఆసక్తికర వ్యాఖ్యలు చేశారు. ఎన్టీఆర్ సతీమణి లక్ష్మీపార్వతి అడిగారనో.. తాను అడిగాననో.. జూనియర్‌ ఎన్టీఆర్‌ వెళ్లి తెలుగుదేశం పార్టీ పగ్గాలు తీసుకోరని తేల్చి చెప్పారు. జూ.ఎన్టీఆర్‌కు అవకాశం వచ్చినప్పుడు, ఆ టైం వచ్చినప్పుడు, తీసుకోగలను అనుకున్నప్పుడు.. తీసుకునే పరిస్థితి ఉన్నప్పుడు తప్పకుండా తీసుకుంటారని వెల్లడించారు. దానికి ఇప్పుడే తొందరెందుకని సూటిగా ప్రశ్నించారు.

వచ్చే ఎన్నికల్లో ఏపీలో టీడీపీ, బీజేపీ కలిసి పోటీచేస్తాయని కొడాలి నాని జోస్యం చెప్పారు. అయితే, ఎన్టీఆర్‌ టీడీపీ పగ్గాలు తీసుకుంటే.. చంద్రబాబు కొత్త పార్టీ పెట్టుకొని జనసేనతో పోటీ చేస్తారని వ్యాఖ్యానించారు. ఇక, వచ్చే ఎన్నికల్లో చంద్రబాబు, పవన్‌ కళ్యాణ్‌ ఇద్దరికీ డిపాజిట్లు రావని తేల్చి చెప్పారు. ఈ రాష్ట్రానికి 2024 ఎన్నికల్లో ఆ ఇద్దరి (చంద్రబాబు, పవన్‌ కళ్యాణ్‌) పీడ విరగడవుతుందని వ్యాఖ్యానించారు.

2024 ఎన్నికల్లోనూ వైఎస్సార్ కాంగ్రెస్‌ పార్టీ సింగిల్‌గా పోటీ చేస్తుందని కొడాలి నాని అన్నారు. ఓవైపు తెలుగుదేశం- బీజేపీ కూటమిని.. మరోవైపు చంద్రబాబు-పవన్‌ కళ్యాణ్‌ కూటమిని కూడా జగన్మోహన్‌రెడ్డి ఓడిస్తారని చెప్పుకొచ్చారు. 2024 ఎన్నికలే ఆ పార్టీలకు చివరి ఎన్నికలు అవుతాయని కొడాలి నాని జోస్యం చెప్పారు.

Related Articles

Back to top button