News

చెర్నాకోల్ పట్టిన లోకేష్.. జగన్‌ సర్కారుపై ఓ రేంజ్‌లో..!



ముఖ్యమంత్రి వైఎస్ జగన్మోహన్ రెడ్డి రైతు ద్రోహి అని తెలుగు దేశం పార్టీ జాతీయ ప్రధాన కార్యదర్శి దుయ్యబట్టారు. సీఎం జగన్మోహన్ రెడ్డి తీరుకు నిరసనగా సోమవారం అసెంబ్లీ ముందు ఎమ్మెల్యేలు, ఎమ్మెల్సీలతో కలిసి నిరసన కార్యక్రమం చేపట్టారు. నిరసన కోసం తీసుకొచ్చిన ఎడ్ల బళ్లని తరలించి, రైతుని అరెస్ట్ చెయ్యడం వైసీపీ ప్రభుత్వ నిరంకుశ పాలనకు నిదర్శనమన్నారు. రాష్ట్రంలో మోటర్లకు మీటర్లు పెట్టి రైతుల మెడలో ఉరి తాళ్లు బిగిస్తున్నారని దుయ్యబట్టారు. ఈ మేరకు నారా లోకేష్ సోమవారం ట్వీట్ చేశారు.

‘‘రైతు ద్రోహి జగన్ అంటూ అసెంబ్లీ ముందు నిరసన తెలిపాము. నిరసన కోసం తీసుకొచ్చిన ఎడ్ల బళ్లని తరలించి, రైతుని అరెస్ట్ చెయ్యడం వైసిపి ప్రభుత్వం నిరంకుశ పాలనకు నిదర్శనం. మోటర్లకి మీటర్లు పెట్టి రైతుల మెడలో ఉరి తాళ్లు బిగిస్తున్నారు. ఆక్వా రంగాన్ని దివాలా తీయించారు.

గిట్టుబాటు ధర ఇవ్వడం లేదు. ధాన్యం బకాయిలు చెల్లించడం లేదు. కనీసం విత్తనాలు, ఎరువులు ఇవ్వలేని చెత్త ప్రభుత్వం ఇది. ఇచ్చిన హామీ ప్రకారం రైతుల్ని ఆదుకోవాలని డిమాండ్ చేస్తూ శాసనసభ్యులు, శాసనమండలి సభ్యులు అసెంబ్లీ కి ర్యాలీగా వెళ్ళాము.’’ అని నారా లోకేష్ పేర్కొన్నారు.

Related Articles

Back to top button