News

చంద్రబాబు అరెస్ట్‌పై స్పందించిన రజినీకాంత్.. లోకేశ్‌కు ఫోన్ చేసి ధైర్యం చెప్పిన తలైవా



స్కిల్ డెవలప్‌మెంట్ వ్యవహారంలో మాజీ ముఖ్యమంత్రి అరెస్టు (Chandrababu Arrest)పై రజినీకాంత్‌ () స్పందించారు. ఈ మేరకు చంద్రబాబు తనయుడు నారా లోకేశ్‌కు ఫోన్‌ చేసి మాట్లాడిన రజినీ‌కాంత్.. ఈ సమయంలో ధైర్యంగా ఉండాలని చెప్పారు. చంద్రబాబు తనకు ఆత్మీయ మిత్రుడని, గొప్ప పోరాట యోధుడని ఆయన అన్నట్టు టీడీపీ వర్గాలు పేర్కొన్నాయి. ‘‘నా ఆత్మీయ మిత్రుడు చంద్రబాబు తప్పు చేయరు. తను చేసిన అభివృద్ధి, సంక్షేమ కార్యక్రమాలే ఆయనకు శ్రీరామరక్ష. తప్పుడు కేసులు, అక్రమ అరెస్టులు చంద్రబాబును ఏమీ చేయలేవు.. చేసిన మంచి పనులు, ప్రజాసేవే ఆయణ్ని బయటకు తీసుకొస్తాయి’ అని రజనీకాంత్‌ ధైర్యం చెప్పినట్టు తెలిపాయి. ఏప్రిల్‌లో విజయవాడలో జరిగిన టీడీపీ వ్యవస్థాపకుడు నందమూరి తారక రామారావు శత జయంతి ఉత్సవాల్లో చంద్రబాబు నాయుడితో కలిసి పాల్గొన్న విషయాన్ని తలైవా ఈ సందర్భంగా గుర్తుచేసుకున్నారు. ఎన్టీఆర్ శతజయంతి ఉత్సవాల్లో రజినీకాంత్ మాట్లాడుతూ.. చంద్రబాబుపై ప్రశంసలు కురిపించారు. 20 ఏళ్ల కిందటే ఐటీ రంగం అభివృద్ధి గురించి దేశంలో చెప్పిన వ్యక్తి చంద్రబాబు అని కొనియాడారు. ఆయన నిత్యం ప్రజలకు ఏదో చేయాలని తపిస్తుంటారని, 2024 ఎన్నికలలో చంద్రబాబు గెలిస్తే దేశంలో ఏపీ నెంబర్ వన్ అవ్వడం గ్యారెంటీ అని… ఎన్టీఆర్ ఆత్మ చంద్రబాబును దీవిస్తుంది అని వ్యాఖ్యానించారు.మరోవైపు, చంద్రబాబు అరెస్ట్‌ను ఖండిస్తూ ఆయనకు మద్దతుగా మాట్లాడిన జాతీయ నేతలకు లోకేశ్‌ ధన్యవాదాలు తెలిపారు. ఇంటింటికీ వెళ్లి ప్రజలకు వాస్తవాలు తెలియజేస్తామని, చంద్రబాబుపై పెట్టిన కేసు ముమ్మాటికీ అక్రమమేని అన్నారు. న్యాయం దక్కే వరకు పోరాటం కొనసాగుతుందని, ప్రజల కోసం పోరాటం కొనసాగించమని చంద్రబాబు దిశానిర్దేశం చేశారని లోకేశ్ స్పష్టం చేశారు. మరోవైపు, ఈ కేసులో జ్యుడిషియల్‌ రిమాండ్‌ ఉత్తర్వులను కొట్టేయాలని ఏపీ హైకోర్టులో చంద్రబాబు వేసిన క్వాష్‌ పిటిషన్‌‌పై విచారణను సెప్టెంబరు 19కు హైకోర్టు వాయిదా వేసింది.ఈ పిటిషన్‌పై ఇరువైపులా వాదనలు వినాల్సిన అవసరం ఉందని న్యాయమూర్తి.. సీఐడీ కౌంటర్ దాఖలు చేయాలని ఆదేశించారు. అలాగే, చంద్రబాబును కస్టడీకి ఇవ్వాలంటూ ఏసీబీ కోర్టులో సీఐడీ దాఖలు చేసిన పిటిషన్‌పై ఈనెల 18 వరకు విచారణ చేపట్టవద్దని కూడా హైకోర్టు ఆదేశించింది. కాగా, చంద్రబాబు అరెస్ట్‌కు నిరసనగా హైదరాబాద్‌ విప్రో సర్కిల్‌ వద్ద ఐటీ ఉద్యోగుల ఆందోళనకు దిగారు. ‘అయామ్‌ విత్‌ సీబీఎన్‌’ ప్లకార్డులతో ఐటీ ఉద్యోగుల నిరసన చేపట్టారు.Read More And

Related Articles

Back to top button