News

అమర్ దీప్ బీటెక్ కాదు ఎల్‌కేజీ.. ఉతికిపారేసిన మినిమమ్ డిగ్రీ.. నిజంగానే ఇది కిందిస్థాయికి అర్ధం కాదు భయ్యో



‘కింది స్థాయి వాళ్లకి అర్ధం కాదు.. మినిమమ్ డిగ్రీ చదవాలి’ అంటూ హైదరాబాద్ ఐమాక్స్ థియేటర్ వద్ద రివ్యూలు చెప్పి పాపులర్ అయిన ఈ రివ్యూవర్ బిగ్ బాస్ కంటెస్టెంట్స్‌పై జోక్‌లు పేల్చాడు. హౌస్‌లో ఉన్న వాళ్లకి బుర్రలో గుజ్జులేదు.. మెదడు మోకాళ్లలో ఉందని గాలితీసేశాడు. ఇతనికి ఇంత కోపం ఎందుకొచ్చిందంటే రైతు బిడ్డ పల్లవి ప్రశాంత్‌ని ఒరేయ్ తురేయ్ అంటూ అమర్ దీప్ తక్కువ చేసి మాట్లాడటమే. ఇంతకీ మన మినిమమ్ డిగ్రీ రివ్యూవర్ ఏమన్నాడంటే.. ‘బిగ్ బాస్ ఈసారి అందర్నీ ఎల్‌కేజీ వాళ్లనే తీసుకున్నాడు.. బిగ్ బాస్‌లో ఎవరి గేమ్ వాళ్లు ఆడాలి కానీ ఆ సీరియల్ బ్యాచ్ (అమర్ దీప్, ప్రియాంక, శోభా శెట్టి)లు కలిసి ఆడుతున్నారు. ఇండియా పాకిస్థాన్ మ్యాచ్‌లా.. ఒక్కడూ ఇటు వైపు.. వాళ్లంతా అటు వైపు ఆడుతున్నారు. ఏదో దీపట.. హా.. అమర్ దీపూ.. అతనేదో డైలాగ్‌లు కొడుతున్నాడు.. ఆ డైలాగ్‌లు సినిమాల్లో సీరియల్‌లో కొడితే బాగుండేది. పల్లవి ప్రశాంత్ గేమ్.. కింది స్థాయి వాళ్లకి అర్ధం కాదు.. మినిమిమ్ డిగ్రీ చేయాలి. బీటెక్ చేసిన అమర్ దీప్ లాంటి వాళ్లకి అస్సలు అర్ధం కాదు. నేను చెప్పేది చదువులో కాదు.. జ్ఞానం గురించి. ‘.. కింది స్థాయి వాళ్లకి అర్ధం కాదు’ అని అంటే చదువులో కాదు బుర్రలో.. నువ్వు బీటెక్ కాదు.. పీజీలు చేసినా.. బుర్రలో తెలివి ఉండాలి. మొదడు మోకాళ్లలో ఉంటే.. కింది స్థాయి వాళ్లకి అర్ధం కాదు.. మినిమమ్ డిగ్రీ వాళ్లకీ అర్ధం కాదు. అతనే గుర్తింపుకోసం పోయి.. పల్లవి ప్రశాంత్‌ని గుర్తింపుకోసం వచ్చాడని అంటున్నాడు. ఇతనేదో పెద్ద స్టార్ అయినట్టు. పల్లవి ప్రశాంత్ పల్లెటూరిలో ఉంటాడు.. వాడికి రైతులే తెలుసు.. రైతుల గురించే మాట్లాడతాడు. లారీ డ్రైవర్లకు హెల్ప్ చేయవా.. ఆటో డ్రైవర్స్‌కి హెల్ప్ చేయవా? అంటే అది అతని ఇష్టం. ఇప్పటి వరకూ అమర్ దీప్ లక్షలు లక్షలు సంపాదించాడు కదా.. ఎంతమంది లారీ డ్రైవర్లకు సాయం చేశాడు? ఎంత మంది ఆటో డ్రైవర్లకు సాయం చేశాడో చెప్పాలి. చెప్పాలనేదో డైలాగ్ కొట్టాడు కానీ.. అది సినిమాల్లో వాడితే వర్కౌట్ అయ్యేది.. ఇక్కడ కాదు. మా తాతలు రైతు.. మా ముత్తాతలు రైతు అని ఇంకెవడో డైలాగ్‌లు కొడుతున్నారు. కానీ పల్లవి ప్రశాంత్ ప్రజెంట్ రైతు. వాళ్ల నాన్న ఇప్పుడు రైతే. ఓ వందేళ్ల క్రితం అందరి తాతలు అందరి నాన్నలు రైతులే ఉంటారు. కొత్తగా వీళ్లు చెప్పేది ఏంటి? ప్రజెంట్ రైతు ఎవరు? అన్నదే పాయింట్. సినిమా యాక్టర్ కొడుకుని సినిమా యాక్టర్ అంటారు.. లారీ డ్రైవర్ కొడుకుని లారీ డ్రైవర్ కొడుకే అని అంటారు. డైరెక్టర్ కొడుకుని.. డైరెక్టర్ కొడుకనే అంటారు.. ఇతను రైతు కొడుకు కాబట్టి రైతు కొడుకుననే చెప్తున్నాడు.. ఇందులో తప్పేం ఉంది? బిగ్ బాస్ హౌస్ నుంచి పల్లవి ప్రశాంత్‌ని బయటకు పంపించే కుట్ర చేస్తున్నారు. నోటికొచ్చినట్టు పేలుతున్నారు. ఒకడ్ని తొక్కి పైకి ఎదగాలనుకుంటే కింది స్థాయి వాళ్లు తొక్కిపడేస్తారు. ఆ పై స్థాయి వాళ్లు భయపడుతున్నారు. ఇంకెవరో రతిక ఉంది.. పల్లవి ప్రశాంత్‌ని నీ గుండె ఎవరికి ఇస్తావ్.. అదెవరికిస్తావ్.. ఇదెవరికిస్తావ్ అని రెచ్చగొట్టేస్తుంది. వాడు అమాయకుడు వాడి పని వాడు చేసుకుంటుంటే.. వాడ్ని గోకి మరీ రెచ్చగొడుతుంది. పల్లవి ప్రశాంత్‌ని వాడుకుని ఫేమ్ అవ్వాలని చూస్తుంది. చివరికి ప్లేట్ తిప్పేసింది. ఇది చాలా దుర్మార్గం’ అంటూ అమర్ దీప్, రతికలపై తన దైన శైలిలో పంచ్‌లు పేల్చాడు మినిమమ్ డిగ్రీ.

Related Articles

Back to top button